کراچی میں مقیم افراد کی عید منانے کیلئے آبائی علاقوں کو روانگی شروع

کراچی(پی پی آئی)شہرقائد میں رہائش پذیر اندرون ملک کے باشندوں نے عید اپنے پیاروں کے ساتھ منانے کے لئے آبائی علاقوں کا رخ کر لیا جس کے باعث ریلوے اسٹیشن، بسوں اور ویگنوں کے اڈوں پر مسافروں کابے تحاشہ رش  دیکھنے میں آرہا ہے۔پی پی آئی کے مطابق ٹرانسپورٹرز  نے کراچی سے دوسرے شہروں کے کرایوں میں گزشتہ برس کی نسبت کہیں زیادہ اضافہ کر دیا  ہے جبکہ بچوں کے ٹکٹ سمیت سامان کا بھی اضافی کرایہ وصول کیا جا رہا ہے جس کی وجہ سے ٹرانسپورٹرز اور مسافروں کے درمیان جھگڑے بھی ہو نے لگے ہیں۔