اسرائیلی جارحیت جنگ نہیں بلکہ یکطرفہ طور پر قتل عام ہے:مصطفائی تحریک پاکستان

کراچی(پی پی آئی)مصطفائی تحریک پاکستان کے مرکزی امیر غلام مرتضیٰ سعیدی اور جنرل سیکریٹری حافظ قاسم مصطفائی نے کہا ہے کہ غزہ میں اسرائیلی جارحیت جنگ نہیں بلکہ یکطرفہ طور پر قتل عام ہے،فلسطین کے حق خودارادیت کو تسلیم کیا جائے، عالمی برادری امن قائم کرنے کے لیئے اپنا کردار ادا کرے۔فلسطین کے مظلوم عوام کو انکے اپنے وطن میں جس بے دردی کیساتھ شہید کیا جارہا ہے وہ قابل مذمت ہے،اسپتال، اسکول،بستیاں، مساجد کوئی بھی جگہ محفوظ نہیں غزہ قتل گاہ بن چکا ہے ان پر پانی اور غذا تک کو روکا گیا زخمیوں کو علاج تک میسر نہیں،انہوں نے کہا کہ کامیاب وہ لوگ ہیں جو اللہ سے ڈرتے اور اللہ پر بھروسہ کرتے ہیں۔

Latest from Blog