اینٹی نارکوٹکس فورس کی مختلف شہروں میں کارروائیاں، بھاری مقدار میں منشیات برآمد

کراچی(پی پی آئی)اینٹی نارکوٹکس فورس (اے این ایف) نے مختلف شہروں میں کارروائیاں کر کے 8 ملزمان کو گرفتار کر لیا۔ترجمان اے این ایف کے مطابق کارروائیاں راولپنڈی، پشاور، اسلام آباد، لاہور اور پنڈی بھٹیاں میں کی گئیں۔پی پی آئی کے مطابق حکام کا کہنا ہے کہ کارروائیوں کے دوران ملزمان کے قبضے سے 156 کلو گرام چرس، 96 کلو گرام افیون، 1.4 کلو گرام ہیروئن، 470 نشہ آور گولیاں برآمد کر لی گئیں۔ترجمان کے مطابق گرفتار ملزمان کے خلاف انسدادِمنشیات ایکٹ کے تحت مقدمات درج کر لئے گئے۔