خضدار کرکٹ چمپئن لیگ کا افتتاح آج ہوگا‘ 12 مئی تک جاری رہے گی

خضدار(پی پی آئی) کمشنر قلات ڈویڑن علی اکبر بلوچ کی زیر صدارت اجلاس میں خضدار کرکٹ چیمپئن لیگ کے انتظامات کو حتمی شکل دیدی گئی. ٹورنامنٹ کاافتتاح تین مئی کو جناح اسپورٹس کمپلیکس میں ہوگا جس میں صوبے کے مختلف علاقوں سے 14 نامور کرکٹ ٹیمیں حصہ لیں گی خضدار کرکٹ چیمپئن لیگ 3 سے 12 مئی تک پی سی بی کے قوانین کے تحت جاری رہے گی۔پی پی آئی کے مطابق مہمان ٹیموں کو رہائش و ٹرانسپورٹ و سفری اخراجات دیئے جائیں گے خضدار کرکٹ چیمپئن لیگ T10 لیگ ہے جیتنے والی ٹیم کے لئے انعام 2 لاکھ اور رنر اپ کے لئے 1 لاکھ انعام رکھا گیا ہے ٹورنامنٹ کے بہترین کھلاڑی کو 125 سی سی موٹر سائیکل انعام بھی دیا جائے گا مختلف اسٹالز بھی لگائے جائیں گے