کراچی:صوبائی وزیر محنت ڈاکٹر اصغر احمد نے کہا ہے کہ کراچی کی 8ہائی رسک یونین کونسلز میں ویکسین میں بچوں کو انجیکشن کے ذریعے پولیو ویکسین دینے کا فیصلہ کیا گیاہے تاکہ بچوں کو زیادہ موئثر طریقے سے پولیو سے محفوظ رکھا جا سکے۔ان خیالات کا اظہار انھوں نے عالمی صحت ،یونیسیف اور روٹری کلب کے نمائندو ں کے ساتھ پولیو کی صورت حال کے جائزہ اجلاس سے خطاب کرتے ہوئے کیا۔انھوں نے کہا کہ پائلٹ پروجیکٹ کا آغاز عید الا اضحیٰ کے بعد کیا جائے گا اور آٹھ یونین کونسلز کے بچوں کو پائلٹ پروجیکٹ کے تحت انجیکشن کے ذریعے پولیو ویکسین دی جائے گی اس ضمن میں انتظامات جاری ہیں۔اس موقع پر ان کے ہمراہ رکن قومی اسمبلی ڈاکٹر عزراپیچوہو،بیگم شہناز اور وزیر علی بھی موجود تھے۔
