علماومشائخ فیڈریشن پاکستان نے شہدائے ایران کیلئے 3روزہ قومی سوگ کا اعلان کردیا

کراچی (پی پی آئی)ملک بھر کے علماومشائخ کی نمائندہ تنظیم علماومشائخ فیڈریشن آف پاکستان کے چیئر مین سفیر امن پیر صاحبزادہ احمد عمران نقشبندی نے ایرانی صدر ابراہیم رئیسی سمیت وزیر خارجہ حسین امیر‘ مشرقی آذربائیجان صوبے کے گورنر ملک رحمتی‘ صوبہ تبریز کے امام محمد علی الہاشم کی ہیلی کاپٹر حادثے میں شہادت پر دکھ اور رنج و غم کا اظہارکرتے ہوئے کہا ہے کہ ابراہیم رئیسی امت مسلمہ کے نڈر لیڈر تھے،مسلم امہ ایک عظیم لیڈر سے محروم ہونے پر سوگوار ہے۔،ایرانی صدر شفیق انسان‘ خدمات ہمیشہ یاد رکھی جائینگی، پی پی آئی کے مطابق صاحبزادہ احمد عمران نقشبندی نے ایرانی صدر ابراہیم رئیسی سمیت دیگر رفقاء کی شہادت پر 3 روزہ سوگ کا اعلان کیا۔قبل ازیں انہوں نے ڈائریکٹر خانہ فرہنگ اسلامی جمہوریہ ایران سے خانہ فرہنگ پہنچ کر تعزیت کی اور تعزیتی کتاب میں تاثرات قلمبند کیئے، دریں اثناایرانی صدر ابراہیم رئیسانی اور ان کے رفقاکے درجات بلندی کے لئے علما مشائخ فیڈریشن آف پاکستان  سیکریٹریٹ میں فاتحہ خوانی کا  اہتمام کیا گیا

Latest from Blog