سرکاری ملازمین گروپ انشورنس فنڈکے معاملہ پر حکومت سندھ کا وفاق سے رابطہ

کراچی(پی پی آئی)حکومت سندھ فنانس ڈپارٹمنٹ کی جانب سے وفاقی سیکرٹری فنانس کو سرکاری ملازمین کو گروپ انشورنس فنڈز دئیے جانے کے حوالے سے مکتوب لکھ دیا گیا۔پی پی آئی کے مطابق دعا تنظیم سماجی بہبود سندھ کے سربراہ احمد سلمان شاہین اور کراچی ایڈمنسٹریشن ایمپلائز ویلفئیر ایسوسی ایشن کے صدر عبد الکریم نے سندھ حکومت کی جانب سے سرکاری ملازمین کے گروپ انشورنس فنڈز دئیے جانے کے حوالے سے مکتوب لکھے جانیکا خیر مقدم کیا ہے انہوں نے کہا حکومت سندھ کا یہ اچھا فیصلہ ہے اور ہم اسکی مکمل تائید کرتے ہیں اس فیصلے سے سرکاری ملازمین کو انکی ریٹائرمنٹ کے بعد اپنی زندگی میں گروپ انشورنس مل سکے گا۔ گروپ انشورنس ملازمین کا حق ہے اور اس عمل سے سرکاری ملازمین اپنی ریٹائرمنٹ کے بعد ہی گروپ انشورنس فنڈز حاصل کرنیکے بعد اپنی ضروریات کے لئے استعمال کرسکیں گے۔