نوشہرو فیروز میں ڈاکو راج،لوک فنکارسمیت دیگر شہریوں کو لوٹ لیا

نوشہرو فیروز (پی پی آئی)  لوک فنکار، ائیرکنڈنشنر مستری اور نوجوان سے ڈکیتی کی واردات، درس پولیس تھانہ کی حدود میں مناہی نواز موٹمل کی شادی کی تقریب میں پروگرام بعد گھر واپس جانے والے لوک فنکاروں سے مسلح افراد نے اسلحہ کے زور پر نقدی، موبائل اور دیگر سامان لوٹ لیا، مورو پولیس تھانہ کی حدود میں گولڈن گراؤنڈ کے پاس مسلح افراد نے ائیر کنڈنشنر کے مستری اون محمد کلہوڑو سے نقدی، شناختی کارڈ اور قیمتی سامان چھین لیا، خان واہن پولیس تھانہ کی حدود میں خان واہن تنیا بقا شاہ رابطہ سڑک (لنک روڈ) پر حیرت شاہ کے قریب مسلح افراد نے اسلحہ کے زور پر مظہر ڈوبل سے موٹر سائیکل، نقدی اور موبائل فون چھین لیا، پولیس کے مطابق وہ ڈکیتی واردات کی تحقیقات کر رہی ہے۔