لاہور(پی پی آئی)ریو نیو ایڈوائزرز ایسوسی ایشن کے چیئرمین عامر قدیر نے کہا ہے کہ مشکل ٹیکس نظام کی وجہ سے ایک کروڑ بیس لاکھ این ٹی این ہولڈرز میں سے صرف پینتالیس لاکھ این ٹی این ہولڈرز نے اپنی ریٹرنز فائل کی ہیں جو کہ حکومت کے لیے لمحہ فکریہ ہے،ایکسپورٹ کو نارمل ٹیکس رجیم میں لایا گیا ہے جس سے ہراسمنٹ کے مسائل پیدا ہوں گے،ٹیکس دہندگان کو فنانس ایکٹ کے تحت نافذ کردہ نئے اپیل نظام پر تحفظات ہیں۔پی پی آئی کے مطابق ان خیالات کا اظہار انہوں نے اپنے دفتر میں ملاقات کے لئے آنے والے ٹیکس بار زکے نمائندہ وفد سے ملاقات میں گفتگو کرتے ہوئے کیا۔ انہوں نے کہا کہ حکومت نے اپیلوں کے لئے جو نظام متعارف کرایا ہے وہ کبھی بھی کامیاب نہیں ہو سکتاا انہوں نے کہاکہ ٹیکس نظام کو سہل بنایا جائے، ابھی تک لوگوں کو نئے فنانس بل کے خدو خال سے صحیح طرح آگاہی نہیں ہوسکی لیکن خوف و ہراس کی فضاء ہے۔
Next Post
اسلام آباد سمیت بالائی علاقوں میں ندی نالوں میں طغیانی اور اربن فلڈنگ کا خطرہ
Fri Jul 5 , 2024
اسلام آباد(پی پی آئی)وفاقی دارالحکومت سمیت بالائی علاقوں میں پہاڑی ندی نالوں میں طغیانی اور اربن فلڈنگ کے خطرہ کے پیش نظر الرٹ جاری کر دیاگیا،محکمہ موسمیات کے مطابق اسلام آباد، راولپنڈی، مری، گلیات، مانسہرہ، کوہستان، ایبٹ آبادکے پہاڑی ندی نالوں میں طغیانی کا خطرہ ہے۔ اس کے علاوہ دیر، سوات، کشمیر اور ڈیرہ غازی خان کے پہاڑی ندی نالوں […]