بارہمولہ میں قابض بھارتی انتظامیہ کی عوام دشمن پالیسیوں کے خلاف مظاہرہ

سری نگر/مقبوضہ کشمیر(پی پی آئی) مقبوضہ جموں کشمیر کے قصبے بارہمولہ میں لوگوں نے قابض بھارتی انتظامیہ کی عوام پالیسیوں کیخلاف احتجاج کیا۔کشمیر میڈیاسروس کے مطابق مظاہرین کا کہنا تھا کہ سڑک انتہائی ٹوٹ پھوٹ کا شکار ہے، اس پر جگہ جگہ گڑھے پڑے ہوئے ہیں جس کی وجہ سے اس پر سفر انتہائی مشکل ہو چکا ہے۔شہریوں، دکانداروں اور ٹرانسپورٹروں پر مشتمل مظاہرین نے کہا کہ”ہم احتجاج کرنے پر مجبور ہوئے ہیں کیونکہ سڑک کی خستہ حالت کی طرف بار بار توجہ دلانے کے باوجود انتظامیہ ٹس سے مس نہیں ہو رہی۔ مظاہرین نے سڑک کی فوری طور پرمرمت اور دن کے وقت اس پر بھاری گاڑیوں کا آمد ورفت بند کرنے کا مطالبہ کیا۔