حیدر آباد22جنوری (پی پی آئی)معروف صوفی بزرگ حضرت لعل شہباز قلندرؒ کا 773واں تین روزہ سالانہ عرس مبارک 18سے 20 فروری 2025 تک سہون شریف میں منعقد ہوگا۔اس سلسلے میں ایک اجلاس ڈپٹی کمشنر جامشورو/ چیئرمین شہباز میلہ کمیٹی غضنفر علی قادری کی زیر صدارت منعقد ہو ا۔غضنفر علی قادری نے متعلقہ عملداروں کو ہدایت کی کہ عرس کے موقع پر زائرین کو سہولتوں کی فراہمی یقینی بنائیں۔ انہوں نے کہا کہ عرس مبارک کے دوران ملک بھر سے 20 لاکھ سے زائد زائرین کی آمد متوقع ہے اس کئے سیکیورٹی ادارے زائرین کی حفاظت میں بھرپور کردار ادا کریں.انہوں نے اجلاس کو بتایا کہ عرس مبارک کے دوران ہیوی ٹریفک کے داخلے جبکہ اڑل واہ اور دانستر واہ میں نہانے پر 144 کے تحت پابندی عائد ہوگی۔انہوں کہا کہ عرس مبارک کے دوران ملاکھڑا، سگھڑن جی کچہری، ادبی کانفرنس اور محفل موسیقی سمیت دیگر تقریبات کا انعقاد کیا جائے گا۔انہوں نے حیسکو کو ہدایت کی کہ سیہون شریف میں عرس کے دوران بجلی کی غیر اعلانیہ لوڈشیڈنگ سے گریز کریں اور پہلے سے فنی خرابیوں کودرست کرلیں. اس موقع پر ڈپٹی کمشنر جامشورو نے محکمہ صحت کے افسران کو ہدایت کی کہ ایمبولنسوں اور ادویات کی دستیابی کو بھی یقینی بنایا جائے
Next Post
چین میں زرعی تربیت کے لیے منتخب طلباکاپہلا گروپ جلد چین روانہ ہوگا
Wed Jan 22 , 2025
اسلام آباد22جنوری (پی پی آئی)وزیراعظم محمد شہباز شریف نے ہدایت دی ہے کہ چین میں زرعی تربیت کے لیے منتخب ہونے والے طلبا کے انتخاب کے عمل میں شفافیت اور میرٹ کو مدنظر رکھا جائے۔ ان طلبا کی شکایات کے ازالے کے لیے ایک کمیٹی بھی تشکیل دی جائے گی۔وزیراعظم آفس کے بیان کے مطابق، حکومت تربیت کے تمام اخراجات […]