مظفرآباد20جنوری (پی پی آئی)5فروری یوم یکجہتی ء کشمیر کے موقع پر قانون سازاسمبلی کے متوقع خصوصی اجلاس کے حوالے سے انتظامات کو دن کی مناسبت سے شایان شان بنانے کے لیئے سیکرٹری قانون سازاسمبلی آزاد جموں و کشمیر چوہدری بشارت حسین کی زیر صدارت اُن کے چیمبر میں خصوصی میٹنگ کا انعقاد ہوا۔ میٹنگ میں اسمبلی سیکرٹریٹ کے انچارج شعبہ جات نے شرکت کی۔ سیکرٹری قانون ساز اسمبلی نے ہدایات دیتے ہوئے کہا کہ ہر شعبہ کی جانب سے مثالی کارکردگی کو یقینی بنانا ضروری ہے تاکہ اجلاس کے انعقاد اور دیگر انتظامات میں کوئی کمی باقی نہ رہے۔ اُنہوں نے آفیسران سے تجاویز طلب کرنے کے ساتھ ساتھ فوری ضروریات کی تفصیل بھی طلب کی تاکہ خاطر خواہ تجاویز پر عملدرآمد اور ضروری اشیاء کی بروقت فراہمی کو یقینی بنایا جاسکے۔میٹنگ میں سپیشل سیکرٹری اسمبلی امجد لطیف عباسی، ایڈیشنل سیکر ٹری راجہ ضیاء الحق، ایڈیشنل سیکر ٹری خانزادہ امجد محمود، ایڈیشنل سیکرٹری ظفراعظم، ڈپٹی سیکرٹری راجہ طارق محمود،ڈپٹی سیکرٹری خُرم بن صادق، ڈپٹی سیکرٹری عرفان احمد، پرسنل سٹاف آفیسرملک مصطفےٰ علی اصغراعوان سمیت آفیسران / انچارج شعبہ جات نے شرکت کی۔
Next Post
بشری بیگم کا واحد قصور عمران خان کے ساتھ مخلص ہونا ہے' مسرت جمشید چیمہ
Mon Jan 20 , 2025
لاہور20جنوری (پی پی آئی) پاکستان تحریک انصاف کی سینئر رہنما مسرت جمشید چیمہ نے کہا ہے کہ اس وقت بشری بیگم کا واحد قصور عمران خان کے ساتھ مخلص ہونا ہے،پاکستان کی سیاست میں کبھی کسی گھریلو خاتون کے ساتھ ایسی انتقامی کاروائی نہیں کی گئی۔ ایکس پر جاری اپنے بیان میں مسرت جمشید چیمہ نے کہا کہ مسلم لیگ […]