تین اضلاع سے حاصل کردہ ماحولیاتی نمونوں میں جنگلی پولیو وائرس ٹائپ کی موجودگی کی تصدیق

اسلام آباد(پی پی آئی) نیشنل انسٹی ٹیوٹ آف ہیلتھ میں پولیو کے خاتمے کے لیے علاقائی ریفرنس لیبارٹری نے تین اضلاع سے حاصل کردہ ماحولیاتی نمونوں میں جنگلی پولیو وائرس ٹائپ 1 (WPV1) کی موجودگی کی تصدیق کی ہے۔ یہ نمونے 23 اور 24 دسمبر 2024 کے درمیان ٹھٹھہ، عمرکوٹ، اور نوشہرو فیروز سے جمع کیے گئے تھے اور ان میں WPV1 مثبت پایا گیا۔پاکستان پولیو خاتمہ پروگرام کے بیان کے مطابق پولیو ایک معذور کرنے والی بیماری ہے جس کا کوئی علاج نہیں۔ پانچ سال سے کم عمر بچوں کے لیے پولیو ویکسین کی متعدد خوراکیں اور مکمل روٹین ویویکسین شیڈول بیماری کے خلاف مضبوط مدافعت پیدا کرنے کے لیے ضروری ہے۔پاکستان پولیو پروگرام ہر سال متعدد بڑے پیمانے پر مہمات چلاتا ہے، جس کے ذریعے بچوں کے دروازے تک ویکسین پہنچائی جاتی ہے۔ اس کے علاوہ، توسیعی پروگرام برائے امیونائزیشن صحت کی سہولیات پر 12 بچوں کی بیماریوں کے خلاف مفت ویکسین فراہم کرتا ہے۔