سوراب میں 9 مبینہ لاپتہ افراد کی بازیابی کیلئے لواحقین کا احتجاج،کوئٹہ کراچی اور کوئٹہ مکران شاہراہ بلاک

کوئٹہ،28فروری (پی پی آئی) سوراب میں تحصیل زہری کے 9 مبینہ لاپتہ افراد کے لواحقین نے کوئٹہ کراچی اور کوئٹہ مکران شاہراہ بلاک کردی۔ ان کا مطالبہ ہے کہ خضدار کے علاقے زہری سے لاپتہ کیے گئے افراد کو بازیاب کیا جائے۔”شاہراہوں کی بندش سے دونوں اطراف گاڑیوں کی لمبی قطاریں لگ گئیں۔ لواحقین کے مطابق، سات افراد کو زہری، ایک کو پنجگور  اور ایک کو خضدار سے  سے جبری طور پر لاپتہ کیا گیا ہے۔”مظاہرین نے اعلان کیا کہ جب تک لاپتہ افراد بازیاب نہیں ہوں گے، شاہراہیں بند رہیں گی۔ اس رپورٹ کے دوران کوئٹہ کراچی اور کوئٹہ مکران شاہراہ ہر قسم کی ٹریفک کے لیے بند رہی۔