اینٹی اسٹریٹ کرائم سیل کی کارروائی، سائٹ ایریا میں منشیات نیٹ ورک سے وابستہ3 ملزمان گرفتار

کراچی \،5 مارچ (پی پی آئی)اینٹی اسٹریٹ کرائم سیل کیماڑی اور سائٹ پولیس نے مشترکہ کارروائی کے دوران نورس چورنگی، سائٹ ایریا میں تین مشتبہ افراد کو گرفتار کر لیا۔ ملزمان کے قبضے سے منشیات اور اسلحہ برآمد کیا گیا۔سندھ پولیس کے مطابق، انچارج اینٹی اسٹریٹ کرائم سیل کیماڑی راجہ خالد، SHO سائٹ A PI ایاز چیف اور پولیس کی بھاری نفری نے خفیہ اطلاع پر ناکہ بندی کی اور علی الصبح کی گئی کارروائی کے دوران تین مشتبہ افراد کو رکنے کا اشارہ کیا گیا، جنہیں گرفتار کر لیا گیا۔پولیس کے مطابق، گرفتار افراد میں شہزاد، شاہ فہد اور یاسین شامل ہیں۔ ملزمان کے شاپرز بیگز سے ڈیڑھ کلو آئس، تقریباً پانچ کلو چرس، تین پستول اور دیگر سامان برآمد ہوا۔تحقیقات کے دوران معلوم ہوا کہ گرفتار ملزمان DHA اور اس کے اطراف میں سرگرم منشیات نیٹ ورک سے وابستہ ہیں۔ ملزمان کو مزید تفتیش کے لیے متعلقہ تھانے منتقل کر دیا گیا ہے۔پولیس کے مطابق، قانونی کارروائی کے بعد ملزمان کے خلاف مقدمہ درج کیا جائے گا۔