میران پور میں فائرنگ سے 3 افراد قتل، وزیر اعلیٰ سندھ کا نوٹس

کراچی،6مارچ (پی پی آئی)وزیر اعلیٰ سندھ سید مراد علی شاہ نے جیکب آباد کے علاقے میران پور میں فائرنگ کے نتیجے میں تین افراد کے قتل کا نوٹس لیتے ہوئے ملزمان کی فوری گرفتاری کا حکم دیا ہے۔ انہوں نے متعلقہ حکام کو واقعے کی مکمل تحقیقات کر کے رپورٹ پیش کرنے کی ہدایت کی ہے۔وزیر اعلیٰ ہاؤس کے ترجمان کے مطابق وزیر اعلیٰ سندھ نے جیکب آباد میں پیش آنے والے فائرنگ کے واقعے پر اظہارِ تشویش کرتے ہوئے متعلقہ اداروں کو فوری کارروائی کرنے کا حکم دیا ہے۔ انہوں نے کہا کہ ملزمان کو قانون کے مطابق گرفتار کر کے جلد از جلد رپورٹ پیش کی جائے۔وزیر اعلیٰ سندھ نے پولیس حکام کو واقعے کی مکمل تحقیقات کر کے اصل حقائق سامنے لانے کی ہدایت دی ہے۔ انہوں نے کہا کہ واقعے میں ملوث عناصر کو قانون کے مطابق سخت سزا دی جائے۔ترجمان کے مطابق وزیر اعلیٰ سندھ نے متعلقہ حکام کو ہدایت دی ہے کہ علاقے میں امن و امان کی صورتحال کو بہتر بنانے کے لیے تمام ممکنہ اقدامات کیے جائیں تاکہ مستقبل میں ایسے واقعات کی روک تھام ممکن ہو سکے۔