سندھ نے سستی بجلی کے لیے صوبائی گرڈ کا خاکہ پیش کیا؛ ڈنمارک کی سبز سرمایہ کاری پر نظر

کراچی،8مارچ (پی پی آئی) “وزیراعلیٰ سندھ سید مراد علی شاہ نے خواتین کے عالمی دن کے موقع پر پیغام دیتے ہوئے کہا کہ یہ دن مساوات، حقوق، اور انصاف کی جدوجہد کی علامت ہے۔ انہوں نے سندھ کی ماؤں، بہنوں اور بیٹیوں کو خراج تحسین پیش کرتے ہوئے کہا کہ سندھ حکومت خواتین کو ہر شعبے میں بااختیار بنانے کے لیے پرعزم ہے۔وزیراعلیٰ نے کہا کہ ترقی کا سفر خواتین کی شمولیت کے بغیر ممکن نہیں اور پاکستان کی پہلی پنک بس سروس کو خواتین کے وقار اور سہولت کے لیے ایک سنگ میل قرار دیا۔ انہوں نے مزید کہا کہ سندھ حکومت نے خواتین کے لیے الیکٹرک بائیک اسکیم بھی شروع کی ہے، اور تعلیم و صحت میں خواتین کو مساوی مواقع فراہم کرنا حکومت کی اولین ترجیح ہے۔وزیراعلیٰ نے کہا کہ پاکستان کی خواتین نے ہمیشہ قومی ترقی اور جمہوریت کی بحالی میں بھرپور کردار ادا کیا ہے۔ محترمہ فاطمہ جناح، بیگم نصرت بھٹو، اور محترمہ بینظیر بھٹو کو جدوجہد، قیادت، اور مستحکم ریاست کی درخشاں علامت قرار دیتے ہوئے انہوں نے کہا کہ پیپلز پارٹی نے خواتین کے حقوق کے تحفظ اور شمولیت کے لیے اہم قانون سازی کی ہے۔مراد علی شاہ نے کہا کہ معاشی، سماجی، اور سیاسی ترقی میں خواتین کا کردار کلیدی حیثیت رکھتا ہے اور مضبوط و خودمختار خواتین مستحکم اور خوشحال پاکستان کی ضمانت ہیں۔ انہوں نے کہا کہ ہماری حکومت خواتین کے لیے مزید روزگار، تحفظ، اور ترقی کے اقدامات کر رہی ہے۔”