پی سی بی نے پی ایس ایل 2025 کے لئے اسٹار سے بھرپور کمنٹری ٹیم کا اعلان

لاہور،07اپریل (پی پی آئی)سابق انگلش ٹیسٹ کپتان سر ایلسٹر کک پاکستان سپر لیگ میں اپنا ڈیبیو کرنے جا رہے ہیں کیونکہ پاکستان کرکٹ بورڈ نے پی ایس ایل X کے لئے ایک شان دار کمنٹری لائن اپ کا اعلان کیا ہے۔چھ ٹیموں پر مشتمل یہ ٹورنامنٹ 11 اپریل کو راولپنڈی کرکٹ اسٹیڈیم میں شروع ہوگا اور 18 مئی کو لاہور کے قذافی اسٹیڈیم میں فائنل کے ساتھ اختتام پذیر ہوگا۔کل 34 میچ کراچی، لاہور، ملتان، اور راولپنڈی میں منعقد ہوں گے۔ کک کے ہمراہ سابق ایم سی سی صدر مارک نکولس بھی ہوں گے، جو 1995 میں اپنی ریٹائرمنٹ کے بعد سے کرکٹ کمنٹری میں ایک نمایاں شخصیت رہے ہیں۔کمنٹری پینل میں انگلینڈ کے ڈومینک کارک اور مارک بْچر بھی شامل ہوں گے، جبکہ جنوبی افریقہ کے ڑاں پال ڈومنی اور مائیک ہیزمین بھی اس میں شامل ہوں گے۔