خیرپور میں مہران ہائی وے پر وین اور ویگو میں تصادم، جاں بحق, 15 سے زائد زخمی

خیرپور،10اپریل (پی پی آئی)خیرپور کے قریب کرونڈی مہران نیشنل ہائی وے پر ایک مسافر وین اور ویگو کے درمیان تصادم کے نتیجے میں ڈرائیور سمیت تین افراد جاں بحق اور 15 سے زائد زخمی ہوگئے ہیں۔ تین زخمی مسافروں کی حالت تشویشناک بتائی جاتی ہے۔حادثے کے بعد لاشوں اور زخمیوں کو فوری طور پر مقامی اسپتال منتقل کیا جارہا ہے۔ حادثے کے دوران مسافر وین میں آگ لگ گئی، تاہم فوری طور پر ریسکیو ٹیموں نے آگ پر قابو پایا۔پولیس کے مطابق مسافر وین سکھر سے نوابشاہ جارہی تھی جب یہ حادثہ پیش آیا۔ حادثے کی تحقیقات جاری ہیں۔