خیرپور،10اپریل (پی پی آئی)چیف سیکریٹری سندھ کی ہدایت پر خیرپور میں نویں اور دسویں جماعت کے سالانہ امتحانات کے دوران نقل کی روک تھام اور امتحانی عمل کی شفافیت کے لیے ڈسٹرکٹ اور تحصیل ویجیلنس کمیٹیاں تشکیل دے دی گئی ہیں۔ڈپٹی کمشنر خیرپور، فیاض حسین راہوجو نے گورنمنٹ بوائز ہائی اسکول، گورنمنٹ گرلز ہائی اسکول، اور گورنمنٹ ڈگری کالجز کے دورے کے دوران امتحانی مراکز کے انچارجز اور عملے کو سختی سے ہدایت کی کہ امتحانات میں نقل ہرگز برداشت نہیں کی جائے گی۔اسسٹنٹ کمشنرز، مختار کار اور تعلیمی افسران روزانہ کی بنیاد پر امتحانی مراکز کا دورہ کریں گے۔ نقل یا کسی غیر ذمہ داری میں ملوث افراد کے خلاف کارروائی کو یقینی بنایا جائے گا۔ویجیلنس کمیٹیوں میں متعلقہ تحصیل کے اسسٹنٹ کمشنر چیئرمین ہوں گے، جبکہ مختار کار اور تحصیل ایجوکیشن آفیسرز ارکان کے طور پر شامل ہوں گے۔ انہیں ہدایت کی گئی ہے کہ امتحانی مراکز میں شفافیت کو یقینی بنائیں اور روزانہ کی بنیاد پر رپورٹس ڈپٹی کمشنر کو ارسال کریں۔
Next Post
ویساکھی میلہ، پاکستان میں تقریبات کے لئے ہزاروں سکھ یاتریوں کی آمد شروع
Thu Apr 10 , 2025
لاہور، 10اپریل (پی پی آئی) 326واں ویساکھی میلہ آج شروع ہوا اور 19 اپریل تک جاری رہے گا، جس میں دنیا بھر سے یاتریوں کی بڑی تعداد شرکت کر رہی ہے۔پنجاب ہوم ڈیپارٹمنٹ نے 20,000 مقامی عقیدت مندوں، 3,000 بیرون ملک مقیم افراد، اور 7,000 ہندوستان اور دیگر ممالک کے […]