صدر آزاد جموں وکشمیر سے چیئرمین کشمیر آرفن ریلیف ٹرسٹ کی ملاقات

اسلام آباد، 14مئی (پی پی آئی) صدر آزاد جموں وکشمیر بیرسٹر سلطان محمود چوہدری اور چیئرمین کشمیر آرفن ریلیف ٹرسٹ (کورٹ) چوہدری محمد اختر کی ایوان صدر کشمیر ہاؤس اسلام آباد میں اہم ملاقات ہوئی۔ اس ملاقات میں کشمیر کے عالمی سطح پر ترویج اور ریاستی ترقی میں کردار پر تبادلہ خیال کیا گیا۔چیئرمین کورٹ نے صدر ریاست کو کشمیر ارفن ریلیف ٹرسٹ کے جاری اور آئندہ منصوبوں پر بریفنگ دی۔ انہوں نے صدر کو کورٹ کے مختلف پروجیکٹس کا دورہ کرنے کی دعوت بھی دی، جو صدر نے قبول کر لی۔ دورے کی تاریخ کا تعین جلد کیا جائے گا۔صدر آزاد جموں وکشمیر نے کورٹ کے کام کو سراہا اور انہیں ہر ممکن تعاون کی یقین دہانی کروائی۔ انہوں نے کورٹ کے ساتھ اپنی دیرینہ وابستگی اور محبت کا اظہار بھی کیا۔ملاقات میں دیگر باہمی دلچسپی کے امور پر بھی تبادلہ خیال ہوا۔ صدر نے چیئرمین کی اہلیہ کی وفات پر تعزیت کا اظہار کرتے ہوئے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے۔