یوم تشکر کے حوالے سے کراچی میں ریلی کا انعقاد

کراچی، 16مئی (پی پی آئی) یوم تشکر کے موقع پر کمشنر کراچی سید حسن نقوی کی زیر قیادت ایک ریلی کا انعقاد کیا گیا، جس میں پاک فوج کی خدمات اور کامیابیوں کو خراج تحسین پیش کیا گیا۔ریلی کے دوران کمشنر کراچی سید حسن نقوی نے کہا کہ پاک فوج نے قوم کا سر فخر سے بلند کردیا ہے۔ انہوں نے سندھ طاس معاہدے کی خلاف ورزی کو مسترد کرتے ہوئے کہا کہ پاکستان کے پانی پر کوئی سمجھوتہ نہیں ہوسکتا۔انہوں نے مزید کہا کہ پاک فوج کی قیادت کی بہتر حکمت عملی نے بھارت کو شکست دی ہے۔ کمشنر نے کہا کہ آج پوری قوم بیمثال فتح پر اپنے رب اور پاک فوج کی شکر گذار ہے۔ریلی میں شریک شرکاء نے پاک فوج کی خدمات کو سراہا اور ان کے ساتھ اظہار یکجہتی کیا۔ ریلی کے دوران قوم کی جانب سے پاک فوج کے لئے نیک تمناؤں کا اظہار کیا گیا۔