نیول چیف کا کمبائنڈ ملٹری اسپتال راولپنڈی کا دورہ

اسلام آباد، 23 مئی (پی پی آئی)  چیف آف نیول اسٹاف، ایڈمرل نوید اشرف نے کمبائنڈ ملٹری اسپتال (سی ایم ایچ) راولپنڈی کا دورہ کیا تاکہ آپریشن بنیان مرصوص کے دوران زخمی ہونے والے فوجیوں اور شہریوں کی خیریت دریافت کی جا سکے۔دورے کے دوران، نیول چیف نے ذاتی طور پر ہر زخمی فرد سے ملاقات کی اور ان کی بے مثال بہادری، ناقابل تسخیر حوصلے اور فرض کے لیے پختہ عزم کو خراج تحسین پیش کیا۔زخمیوں سے گفتگو کرتے ہوئے ایڈمرل نوید اشرف نے قوم اور مسلح افواج کے متحدہ عزم پر زور دیا، اور اس بات کی تصدیق کی کہ دشمن کی کسی بھی آئندہ مہم جوئی کا اسی عزم اور قوت کے ساتھ مقابلہ کیا جائے گا۔