اوکاڑہ، 9 جون (پی پی آئی): اوکاڑہ میں عید پرٹریفک کے حادثات میں 2افراد جاں بحق، 2درجن سے زائد زخمی ہوگئے، جن کے نتیجے میں دو افراد جان کی بازی ہار گئے جبکہ خواتین، بزرگ اور بچوں سمیت 22 افراد زخمی ہوئے۔
پہلا واقعہ دیپالپور روڈ پر زمال میرج ہال کے قریب پیش آیا، جہاں ایک کار موٹر سائیکل سے ٹکرا گئی، جس کے نتیجے میں اقبالپورہ کے رہائشی رشید احمد اور الطاف حسین زخمی ہوگئے۔ دوسرا حادثہ کھنگنوالا پل کے قریب پیش آیا، جب ایک کار حادثے نے دو موٹر سائیکلوں کو آپس میں ٹکرا دیا، جس سے غلام محمد، نوراں بی بی، ندیم اقبال، احد علی اور محمد عثمان زخمی ہوگئے۔
تیسرا حادثہ پیر دی ہٹی کے قریب پیش آیا، جہاں ایک کار نے موٹر سائیکل کو ٹکر مار دی، جس سے مصباح الحق اور محمد شہباز زخمی ہوگئے۔ چوتھا حادثہ 43 ٹو ایل کے قریب پیش آیا، جہاں دو موٹر سائیکلوں کی ٹکر سے ساجدہ پروین، بشیراں بی بی اور محمد شہباز زخمی ہوگئے۔ چُچک روڈ پر ڈی پی ایس کے قریب دو موٹر سائیکلوں کے تصادم میں محمد اشرف، محمد اکرم اور کوثر بی بی زخمی ہوئیں۔
چُچک روڈ پر ایک افسوسناک حادثے میں آٹھ سالہ بچہ، عتیق الرحمن، جاں بحق ہوگیا جب ایک تیز رفتار مزدا ٹرک نے اسے ٹکر مار دی۔ میلگڈا روڈ 39 فور ایل کے قریب ایک اور حادثے میں سعید احمد، عائشہ بی بی اور فیضان علی زخمی ہوگئے۔