صحبت پور، 25 جولائی 2025 (پی پی آئی): بلوچستان کے ضلع صحبت پور میں تھانہ شہید میر محمد کھوسہ کی حدود میں جمعہ کے روز نامعلوم حملہ آوروں نے ایک شخص کو فائرنگ کرکے ہلاک کردیا۔ حملہ آور واردات کے بعد فرار ہونے میں کامیاب ہوگئے۔
امدادی کارکنوں کے مطابق مقتول حسین بخش کنرانی کو نامعلوم افراد نے گولی مار دی۔ لاش کو صحبت پور کے ہسپتال منتقل کیا گیا۔ ضروری کارروائی کے بعد لاش ورثا کے حوالے کردی گئی۔
اس واقعے سے مقتول کے لواحقین میں شدید غم و غصہ پایا جاتا ہے۔ تھانہ شہید میر محمد کھوسہ پولیس واقعے کی تحقیقات کر رہی ہے