لاہور، 18-اکتوبر-2025 (پی پی آئی): پنجاب یونیورسٹی کے ڈرامیٹک پرفارمنگ آرٹس سوسائٹی، کالج آف آرٹ اینڈ ڈیزائن کے طلباء کی جانب سے ہفتہ کے روز ایک تھیٹر کا اہتمام کیا گیا تھیٹر میں امجد اسلام امجد کی نظم “تمہیں مجھ سے محبت ہے” نے منفرد انداز کے ساتھ ناظرین کی توجہ حاصل کی۔ پروفیسر ڈاکٹر احمد بلال کے تحریر کردہ اس پلے میں ممتاز شاعر امجد اسلام امجد کو خراج تحسین پیش کیا، جو ان کی مشہور نظم سے متاثر ہے۔
کہانی تین نوجوانوں کی زندگیوں کو نہایت پیچیدگی کے ساتھ بیان کرتی ہے، جن کے محبت اور شاعری کے بارے میں مختلف نظریات ہیں، اور یہ ایک مزاحیہ نقشہ پیش کرتی ہے جو کلاسک پی ٹی وی کے پسندیدہ دنوں کی یاد دلاتا ہے۔ اس تقریب کی رونق کو وائس چانسلر پروفیسر ڈاکٹر محمد علی کی موجودگی نے دوبالا کیا، جنہوں نے طلباء کی بہترین کارکردگی کو سراہا اور تعلیمی کوششوں کے ساتھ فنون لطیفہ کو شامل کرنے کی اہمیت پر زور دیا
پروفیسر ڈاکٹر محبوب حسین، ڈین فیکلٹی آف آرٹس اینڈ ہیومینٹیز، پروفیسر ڈاکٹر ساجد رشید، ڈین فیکلٹی آف جیو سائنسز، اور پروفیسرز اسرار چشتی اور شاہنواز زیدی بھی اس تقریب میں موجود تھے۔ مظاہرے کو ناظرین کی طرف سے زبردست داد ملی۔