ندا ڈار کو اکتوبر کی بہترین پلیئرکا ایوارڈ مل گیا

کراچی (پی پی آئی)پاکستانی آل راونڈر نے ویمن ایشیا کپ میں شاندار پرفارمنس دکھائی تھی پاکستانی ویمن کرکٹ ٹیم کی آل راو¿نڈر ندا ڈار کو اکتوبر کی بہترین پلیئرکا ایوارڈ مل گیا۔ندا ڈار نے بھارتی کھلاڑیوں کو شکست دے کر ایوارڈ اپنے نام کیا، بھارت کی جمائمہ روڈریگز اور دپیتی شرما بھی پلیر آف دی منتھ کی دوڑ میں شامل تھیں تاہم ندا ڈار نے دونوں کو پچھاڑ کر ایوارڈ اپنے نام کرلیا۔پی پی آئی کے مطابق ندا ڈار نے اکتوبر میں ہونے والے ویمن ایشیا کپ میں شاندار پرفارمنس کا مظاہرہ کیا تھا اور 6 میچز میں 145 رنز بنائے۔ انہوں نے ان میچز میں 8 وکٹیں بھی حاصل کیں۔ندا ڈار کی تسلسل کے ساتھ شاندار پرفارمنس کی بدولت پاکستانی کرکٹ ٹیم سیمی فائنل تک پہنچنے میں کامیاب ہوئی جہاں وہ سری لنکا سے ایک رن سے ہار گئی تھی۔