کراچی یکم نومبر (پی پی آئی): ای او بی آئی نے بینک الفلاح کو پنشن فنڈز جاری کردئیے ہیں ۔ہفتہ کے روز جاری اعلامیہ کے مطابق 4 لاکھ 35 ہزار 197 سے زائد پنشنرز کے لیے کل 5.57 ارب روپے سے زائد کی رقم مختص کی گئی ہے۔
ایمپلائز اولڈ ایج بینیفٹس انسٹی ٹیوشن (ای او بی آئی) نے یہ خطیر رقم باضابطہ طور پر بینک الفلاح کو منتقل کر دی ہے، جو ملک بھر میں مستحق وصول کنندگان کو رقم کی ترسیل میں سہولت فراہم کرے گا۔
ماہانہ پنشن کی تقسیم کا عمل پیر، 3 نومبر سے شروع ہو جائے گا, جس کے بعد مستحقین اپنی پنشن وصول کر سکیں گے۔