لاہور، 23-اکتوبر-2025 (پی پی آئی)انسپکٹر جنرل پنجاب پولیس ڈاکٹر عثمان انور نے ایک اہم فلاحی اقدام کے تحت رواں سال 2025 کے لیے پولیس اہلکاروں کے خصوصی بچوں کی طبی دیکھ بھال کے لیے 6 کروڑ 87 لاکھ 10 ہزار روپے جاری کرنے کی آج منظوری دے دی ہے۔
یہ خطیر مالی امداد پولیس فورس کے ان کمسن زیر کفالت بچوں کے لیے مختص کی گئی ہے جو شدید طبی مسائل سے نبرد آزما ہیں۔ اس امداد کا مقصد تھیلیسیمیا، ذہنی معذوری، کینسر اور دیگر سنگین بیماریوں میں مبتلا بچوں کے علاج کے اخراجات کو پورا کرنا ہے۔