کراچی: 7 دسمبر 2025(پی پی آئی) گورنر سندھ کامران خان ٹیسوری اور قطر کے قونصل جنرل نایف شاہین آر۔ ایم السلیطی کی اہم ملاقات میں پاک–قطر دوطرفہ روابط اور مختلف شعبوں میں تعاون کے ممکنہ نئے مواقع پر تفصیلی مشاورت کی دی ، جسے خطے میں بدلتی صورتحال کے تناظر میں ایک اہم پیش رفت قرار دیا جا رہا ہے۔
ملاقات کے دوران قطری قونصل جنرل نے ریاست قطر کی جانب سے گورنر سندھ کو قومی دن کی تقریب میں بطورِ مہمانِ خصوصی شرکت کی دعوت دی، جسے گورنر نے اپنے لیے بڑے اعزاز کے طور پر سراہا۔
گورنر سندھ نے پاکستان اور قطر کے درمیان دیرینہ برادرانہ رشتوں، تجارتی تعاون اور سرمایہ کاری کے فروغ کی ضرورت پر زور دیا۔ انہوں نے قطری قیادت اور عوام کے لیے نیک خواہشات کا اظہار کرتے ہوئے کہا کہ دونوں ممالک باہمی احترام اور شراکت داری کی بنیاد پر مستقبل میں مزید مضبوط تعلقات قائم کر سکتے ہیں۔