امریکہ سپر پاور نہیں، سپر پاور صرف اللہ ہے:پرویز خٹک عمران کیساتھ پورا ملک کھڑا ہے: ایبٹ آباد میں جلسے سے خطاب

ایبٹ آباد (پی پی آئی) پی ٹی آئی رہنما پرویز خٹک نے کہا ہے کہ عمران خان کے ساتھ پورا ملک کھڑا ہے۔تفصیلات کے مطابق پرویز خٹک نے ایبٹ آباد میں جلسے سے خطاب کرتے ہوئے کہا کہ جو عمران خان 26 سال پہلے اکیلا نکلا تھا، آج اس کے ساتھ پورا ملک کھڑا ہے۔ان کا کہنا تھا کہ عمران خان کی ایک سوچ تھی اور وہ یہ کہ یہ ملک تب تک ترقی نہیں کر سکتا جب تک ایماندار حکمران نہیں آ?ئیں، آج ناانصافی ہے اور ملک میں کوئی قانون نہیں ہے کیونکہ اب بے ایمان لیڈر اقتدار میں ہیں۔انہوں نے کہا کہ یہ چور کبھی بھی آپ کے لیے نہیں کھڑے ہونگے، امریکہ سپر پاور نہیں، سپر پاور صرف اللہ ہے۔پرویز خٹک نے مزید کہا کہ دنیا ترقی کر رہی ہے اور ہم پیچھے جا رہے ہیں۔