کراچی، 20-جنوری-2026 (پی پی آئی): نیو ٹاؤن کے علاقے پرانی سبزی منڈی روڈ کے قریب منگل کو فائرنگ کے واقعے میں شدید زخمی ہونے والا 25 سالہ نوجوان جناح ہسپتال میں دورانِ علاج دم توڑ گیا ہے۔
متوفی کی باقاعدہ شناخت وقار احمد ولد صبور خان کے نام سے ہوئی ہے۔
فراہم کردہ معلومات کے مطابق، مذکورہ شخص علاقے میں فائرنگ کے ایک واقعے کے دوران شدید زخمی ہوا تھا۔ جسے بعد ازاں فوری طبی امداد کے لیے ہسپتال منتقل کیا گیا لیکن وہ زخموں کی تاب نہ لاتے ہوئے چل بسا۔
یہ معاملہ نیو ٹاؤن پولیس اسٹیشن کی حدود میں آتا ہے، جہاں مقدمہ درج کر لیا گیا ہے۔