اسلام آباد، 9 فروری 2026 (پی پی آئی): گورنر سندھ کامران خان ٹیسوری نے سانحہ مسجد خدیجۃ الکبریٰ کے دوران انسانی ڈھال بن کر ان گنت جانیں بچانے والے شہید عون عباس کے لیے سول ایوارڈ کی سفارش کی ہے۔
گورنر پیر کے روز عزم شہید کے گھر پہنچے اس موقع پر ان کے لواحقین سے ملاقات کی اور تعزیت کے دوران اعلان کیا کہ وہ وزیراعظم سے سفارش کریں گے کہ شہید عون عباس کو سول ایوارڈ سے نوازا جائے
اس موقع پر گورنر ٹیسوری نے عون عباس کو قومی ہیرو قرار دیتے ہوئے ان کی جرأت مندانہ قربانی کو سراہا۔ انہوں نے اس بات پر زور دیا کہ حملہ آور سے دوسروں کو بچانے کے لیے عباس کے بے لوث اقدام نے بہت بڑے جانی نقصان کو روکا۔
اس موقع پر شہید کے بلند درجات کے لیے خصوصی دعا بھی کی گئی۔