تحریک پاکستان کے رہنما ابوالحسن اصفہانی کیبرسی منائی گئی

کراچی (پی پی آئی) تحریک پاکستان کے رہنما مرزا ابوالحسن اصفہانی کی 41ویں برسی 18 نومبر کو منائی گئی وہ 23 جنوری 1902ء کو پیدا ہوئے اور 18 نومبر 1981ء کو وفات پائی۔ صنعت و حرفت، قانون اور سیاست نیزسفارتکاری میں نمایاں رہے۔لکھنے لکھانے سے بھی شغف تھا۔ 4 کتب بھی تصنیف کیں جن میں سے دو تو بابائے قوم حضرت قائداعظم محمد علی جناح پر ہیں۔ (1) جناح، اصفہانی مراسلت 1948-1936 (2) قائداعظم محمد علی جناح میری نظر میں، دیگر دو سمرقند اور چائنا سے متعلق ایام سفر کی رودادہیں۔پی پی آئی کے مطابق لاتعداد خوبیوں کے مرزا ابوالحسن اصفہانی علالت کے باعث 18 نومبر 1981ء کو انتقال کرگئے اور گوراقبرستان سے ملحقہ آرمی قبرستان میں سپرد خاک ہوئے جہاں راشد منہاس شہید سمیت متعدد اہم شخصیات مدفون ہیں۔