تحریک انصاف کو 35 شرائط کے ساتھ ریلی نکالنے کی اجازت 18 سال سے کم بچوں کی شرکت پر پابندی، ایمبولینس، فائربریگیڈکو راستہ دیاجائیگا شرائط کی خلاف ورزی پر این او سی منسوخ کردیا جائے گا: اسلام آبادضلعی انتظامیہ

اسلام آباد (پی پی آئی) ضلعی انتظامیہ نے 35 شرائط کے ساتھ پی ٹی آئی کوریلی نکالنے کی اجازت دے دی، ریلی میں 18 سال سے کم بچوں کی شرکت پر پابندی ہوگی۔پی پی آئی کے مطابق پاکستان تحریک انصاف کو ریلی نکالنے کی اجازت دے دی گئی، ضلعی انتظامیہ نے پی ٹی ا?ئی کو ریلی سے متعلق این او سی جاری کر دیا ہے۔انتظامیہ نے 35 شرائط کے ساتھ پی ٹی آئی کو ریلی کا این اوسی جاری کیاہے، جس میں کہا گیا کہ ریلی اسلام آبادایکسپریس وے سے چک بیلی تک نکالنے کی اجازت ہو گی۔ریلی میں 18سال سے کم بچوں کی شرکت پرپابندی ہو گی اور آرگنائزر اس بات کویقینی بنائیں گے کہ شرکا مقررہ روٹ استعمال کریں۔این او سی میں کہا گیا کہ ایمبولینس، فائربریگیڈاور دیگرگاڑیوں کو راستہ دیاجائیگا تاہم شرائط کی خلاف ورزی پر این او سی منسوخ کردیا جائے گا۔یاد رہے پی ٹی آئی نے اسلام آباد سے چک بیلی روڈتک ریلی کیلئے ڈی سی کو درخواست دی تھی، پی ٹی آئی کیعلی نوازاعوان کی جانب سے این اوسی کیلئے درخواست دی گئی۔