دھاگہ (یارن) کی در آمد پر ریگولیٹری ڈیوٹی سے ٹیکسٹائل انڈسٹری متاثر

کراچی(پی پی آئی)پاکستان یارن مرچنٹ ایسو سی ایشن (پائما) نے وزیر اعظم اور وفاقی وزیر خزانہ سے اپیل کی ہے کہ ملک میں یارن صنعت سے وابستہ صنعتوں اور تاجروں کوتباہی سے بچانے کیلئے دھاگہ (یارن) کی در آمد پر ریگولیٹری ڈیوٹی عائد نہ کی جائے۔ پاکستان یارن مرچنٹ ایسو سی ایشن کے نمائندہ وفد کو ملاقات کا وقت دیا جائے تاکہ کوئی بھی فیصلہ کرنے سے قبل حکومت کو مکمل حقائق سے ا?گاہ کیا جا سکے۔انہوں نے حکومت سے اپیل کی کہ دھاگہ کے موجودہ ڈیوٹی اسٹرکچرکو برقراراور ٹیکسٹائل انڈسٹری کوتحفظ دیاجائے۔ ریگولیٹری ڈیوٹی کے نفاذ سے ملک میں مہنگائی ہوگی اورصنعتی حالات خراب ہونگے۔ پولیسٹر فلامنٹ یارن ٹیکسٹائل میں بنیادی خام مال ہے اور پاکستان میں ٹیکسٹائل کی صنعت کا زیادہ تر انحصار درآمدی یارن پر ہے۔ حکومت ہمیں تباہی اور ملک کو مہنگائی سے بچائے۔