بھکر میں نجی بینک کی اے ٹی ایم مشین ہیک متعدد اکاؤنٹس خالی، کھاتیدار لاکھوں سے محروم

بھکر(پی پی آئی)بھکر میں نوسر بازوں نے نجی بینک کی اے ٹی ایم مشین کو ہیک کرکے متعدد اکاؤنٹس خالی کردئیے۔ شہریوں نے تھانہ پولیس سٹی بھکر میں مقدمات کیلئے درخواستیں جمع کروا دیں۔پی پی آئی کے مطابق بھکر میں دریا خان روڈ پر واقع نجی بینک کی اے ٹی ایم مشین سے نامعلوم افراد نے مبینہ طور پر ہیکنگ کے ذریعہ صارفین کو لاکھوں روپے سے محروم کردیا۔شہریوں کی کثیر تعداد نے تھانہ سٹی سے رجوع کیا۔پولیس ترجمان کے مطابق درخواستوں کی ایف آئی آر درج ہو چکی ہے، ملزمان کی گرفتاری کیلئے ڈی ایس پی صدر سرکل کی قیادت میں ٹیمیں تشکیل دیدی گئی ہیں، جلد ملزمان کو گرفتار کرلیا جائے گا۔جبکہ بینک کی جانب سے کوئی کارروائی سامنے نہیں آئی۔