خیبرپختونخوا حکومت کی کالعدم ٹی ٹی پی کو مذاکرات کی پیشکش

پشاور (پی پی آئی)خیبرپختونخواحکومت نے کالعدم ٹی ٹی پی کو ایک بار پھرمذاکرات کی پیشکش کی ہے۔ترجمان صوبائی حکومت بیرسٹرسیف کا کہنا ہے کہ ٹی ٹی پی کا سیزفائرختم کرنے کا فیصلہ افسوسناک ہے۔ طالبان مذاکرات کی میز پر آئیں۔پی پی آئی کے مطابق بیرسٹرسیف کا کہنا تھا کہ قبائلی اضلاع میں صورتحال کیباعث مذاکرات کا عمل متاثر ہوا، جنگ میں بھی مذاکرات کے دروازے بند نہیں ہوتے۔ترجمان خیبرپختونخوا حکومت کا مزید کہنا تھا کہ ٹی ٹی پی بندوق رکھے اور مذاکرات کے میز پر آجائے۔خیال رہے کہ رواں سال مئی میں افغان دارالحکومت کابل میں ہونے والے مذاکرات کے نتیجے میں کالعدم تنظیم اور حکومت سیزفائر پر متفق ہوگئے تھے تاہم دو روز قبل کالعدم تنظیم نے حکومت کے ساتھ فائر بندی ختم کرنے کا اعلان کیا تھا۔