ٹی ٹی پی سے متعلق پاکستان کو پالیسی پرنظرثانی کرنی چاہیے: بلاول بھٹو

واشنگٹن(پی پی آ ئی) وزیرخارجہ بلاول بھٹو زرداری نے کہا ہے کہ کالعدم تحریک طالبان سے متعلق پاکستان کو اپنی پالیسی پر نظرثانی کرنی چاہیے، اور اسی پر زور دیا ہے۔ذرائع کے مطابق امریکی میڈیا سے گفتگو کرتے ہو ئے وزیر خا رجہ بلاول بھٹو نے کہا ہے کہ ٹی ٹی پی سے متعلق پالیسی پرنظرثانی کرنی چاہیے اور ٹی ٹی پی کے مسئلے سے نمٹنے کے لیے جامع طریقہ کار کی ضرورت ہے، آسان راستہ افغان عبوری حکومت کیساتھ تعاون کا ہے تاکہ اس مسئلے سے نمٹا جاسکے اور یہ میرا پسندیدہ راستہ ہوگا لیکن اس مسئلے سے نمٹنے کا یہ واحد راستہ نہیں ہے۔