قوم نے بڑی قربانیاں دے کر ملک میں دہشت گردی سے نجات حاصل کی: صدر
اسلام آ باد(پی پی آ ئی) بنوں میں دہشت گردوں کیخلاف کامیاب آپریشن پر صدر مملکت ڈاکٹر عارف علوی نے سکیورٹی فورسز کو مبارکباد پیش کی ہے۔صدر ڈا کٹر عارف علوی نے بنوں آپریشن پر ردعمل کا اظہار کرتے ہوئے کہا کہ کامیاب آپریشن سکیورٹی فورسز کی بہترین صلاحیتوں کا ثبوت ہے، صدر مملکت نے شہید اہلکاروں کو خراج عقیدت پیش کرتے ہوئے ان کے بلندی درجات اور زخمی اہلکاروں کی جلد صحت یابی کی دعا کی۔انہوں نے کہا کہ قوم نے بڑی قربانیاں دے کر ملک میں دہشت گردی سے نجات حاصل کی، اسی جذبے سے دہشت گردی کی باقیات کوختم کرنے کیلئے کام کرنا ہوگا، قوم ملکی دفاع کے لئے دی گئی قربانیوں کو ہمیشہ یاد رکھے گی، پوری قوم دہشت گردوں کے خلاف کارروائیوں پر اپنی بہادر سکیورٹی فورسز کے ساتھ ہے۔