میں ہی وزیر اعلیٰ ہوں، پنجاب کابینہ کام کرتی رہے گی: پر ویز الٰہی

لاہور(پی پی آ ئی) گورنر پنجاب کی جانب سے ڈی نوٹیفائی کیے جانے پر چوہدری پرویز الٰہینے رد عمل دیتے ہو ئے کہا کہ میں وزیر اعلیٰ ہوں، پنجاب کابینہ کام کرتی رہے گی۔دوسری جانب پی ٹی آئی رہنما فواداد چوہدری نے کہا ہے کہ وزیراعلیٰ پنجاب کو ڈی نوٹیفائی کرنے کی کوئی قانونی حیثیت نہیں ہے، پرویزالٰہی اور صوبائی کابینہ فرائض سر انجام دیتے رہیں گے،گورنر پنجاب کے پاس وزیراعلیٰ کو ہٹانے کا اختیار نہیں، وزیراعلیٰ کو اسمبلی منتخب کرتی ہے اور اسمبلی ہی ہٹا سکتی ہے، ن لیگ نے 58 ٹو بی کو دوبارہ زندہ کردیا ہے، ن لیگ کو چاہیے تھا اجلاس میں اپنے بندے پورے کرتی۔پی ٹی آئی رہنما کا کہنا تھا کہ وزیراعلیٰ نے کبھی نہیں کہا کہ اعتماد کا ووٹ نہیں لینا، اسپیکر اسمبلی اجلاس بلائیں گے تو ہی اعتماد کا ووٹ لیں گے۔