میکرو اکنامک استحکام کے تحفظ،درکار پالیسیوں پر عمل کیلئے وزیراعظم کے عزم کا خیرمقدم
پالیسیوں کے نفاذ، تفصیلات کو حتمی شکل دینے کے لیے ورچوئل بات چیت جاری رہے گی
واشنگٹن، ڈی سی /سلام آباد (پی پی آئی) بین الاقوامی مالیاتی فنڈ (IMF) کے مشن نے 31 جنوری سے 9 فروری کے دوران IMF کے توسیعی فنڈ سہولت (EFF) انتظامات کے تعاون سے حکام کے پروگرام کے نویں جائزے کے تحت بات چیت کرنے کے لیے مسٹر ناتھن پورٹر کی قیادت میں اسلام آباد کا دورہ کیا۔ دورے کے اختتام پر، مسٹر پورٹر نے درج ذیل بیان جاری کیا:”آئی ایم ایف ٹیم میکرو اکنامک استحکام کے تحفظ کے لیے درکار پالیسیوں پر عمل درآمد کے لیے وزیراعظم کے عزم کا خیرمقدم کرتی ہے اور تعمیری بات چیت کے لیے حکام کا شکریہ ادا کرتی ہے۔”ملکی اور بیرونی عدم توازن کو دور کرنے کے لیے پالیسی اقدامات پر مشن کے دوران خاطر خواہ پیش رفت ہوئی۔ اہم ترجیحات میں مستقل ریونیو اقدامات کے ساتھ مالیاتی پوزیشن کو مضبوط بنانا اور غیر اہدافی سبسڈیز میں کمی، سب سے زیادہ کمزور اور سیلاب سے متاثرہ افراد کی مدد کے لیے سماجی تحفظ کو بڑھانا شامل ہے۔ زر مبادلہ کی کمی کو بتدریج ختم کرنے کے لیے زر مبادلہ کی شرح کو مارکیٹ میں طے کرنے کی اجازت دینا؛ اور گردشی قرضے کو مزید جمع ہونے سے روک کر اور توانائی کے شعبے کی عملداری کو یقینی بنا کر توانائی کی فراہمی کو بڑھانا۔ ان پالیسیوں کا بروقت اور فیصلہ کن نفاذ کے ساتھ ساتھ سرکاری شراکت داروں کی پْرعزم مالی معاونت پاکستان کے لیے میکرو اکنامک استحکام کو کامیابی کے ساتھ دوبارہ حاصل کرنے اور اپنی پائیدار ترقی کو آگے بڑھانے کے لیے اہم ہے۔”ان پالیسیوں کے نفاذ کی تفصیلات کو حتمی شکل دینے کے لیے آنے والے دنوں میں ورچوئل بات چیت جاری رہے گی۔”