مقبوضہ جموں وکشمیرمیں محاصرے اور تلاشی کی کارروائیوں کا سلسلہ جاری

سری نگر(پی پی آئی) بھارت کے زیر قبضہ جموں و کشمیر میں قابض بھارتی فوجیوں کی طرف سے ضلع شوپیاں اور راجوری ضلع میں محاصرے اور تلاشی کی کارروائیوں کا سلسلہ جاری ہے۔کشمیرمیڈیاکے مطابق قابض بھارتی فوجیوں اور پیرا ملٹر ی اہلکاروں نے ضلع شوپیاں کے علاقے چکورہ میں جمعرات کے روز مسلسل دوسرے روز بھی تلاشی آپریشن جاری رکھاہوا ہے۔قابض فوجیوں نے راجوری ضلع کے علاقوں بیری پٹن اور سیوٹ میں بھی محاصرے اور تلاشی کی کارروائیاں شروع کردی ہیں۔دوسری جا نب بھارتی فوجیوں نے ضلع راجوری کے علاقے میں کنٹرول لائن کے ساتھ ایک ڈرون مار گرانے کا دعویٰ کیا ہے۔