پی ٹی آئی کے ایک نغمے میں نوازشریف کو اڈیالہ بھجوانے

اسلام آباد (پی پی آئی) تحریک انصاف کے وائس چیئرمین شاہ محمود قریشی سمیت اسد عمر اور فواد چوہدری جیسے سینئر رہنما اْس جیل پہنچ گئے جس کا نام پی ٹی آئی کے نغمے میں تھا۔پی پی آئی کے مطابق تحریک انصاف کی ٹاپ قیادت میں شامل رہنماؤں کو اڈیالہ جیل منتقل کیا گیا ہے، جمشید اقبال چیمہ کو بھی اسی جیل میں سیل الاٹ کیا گیا۔ تحریک انصاف کی خواتین رہنما بھی اسی جیل میں پابند سلاسل رہیں گی جن میں ملیکہ بخاری، فلک ناز چترالی اور مسرت جمشید چیمہ شامل ہیں۔واضح رہے کہ اڈیالہ جیل کو تحریک انصاف کے ایک نغمے “تبدیلی آئی رے” میں شامل کیا گیا تھا جس میں نوازشریف کو بھجوانے کا عزم ظاہر کیا گیا تھا۔