کشمورکے کچے میں ایس ایچ او اور دو پولیس اہلکار ڈاکووں کے ہاتھوں اغوا

کشمور(پی پی آئی)کشمور میں گزشتہ چھ ماہ سے جاری پولیس کو ٹارگٹڈ آپریشن کے دوران کوئی کامیابی حاصل نہیں ہو سکی ہے لیکن کچے کے ڈاکووں نے پولیس اہلکاروں کو اغواکرنا شروع کر دیاہے۔اتفصیلات کے مطابق تھانہ کشمور کے ایس ایچ اوگل محمد مہر کو دو سپاہیوں سمیت اغواکرلیا گیاہے، ایس ایچ او کندھ کوٹ سے اغوا کئے گئے چھ سالہ  فرحان کی بازیابی کیلئے  کچے میں داخل ہوئے تھے، جسے ایک ماہ قبل کندھ کوٹ سے اغواکیا گیاتھا، چند روز قبل پولیس اہلکار نصراللہ جتوئی کو بھی اغواکیا گیا ہے۔آپریشن کے دوران اب تک ڈاکووں نے ایک ایس ایچ او سمیت 13 اہلکاروں کو شہید کر دیاہے جبکہ پولیس ڈاکووں کے متعد د ٹھکانوں کو آگ بھی لگا چکی ہے۔