پی ٹی آئی پارلیمنٹیرینز نے عمران کو انتخابی اتحاد کی پیشکش کردی

پشاور(پی پی آئی)پاکستان تحریک انصاف (پارلیمنٹیرینز) نے سیاسی سرگرمیوں شروع کرنے کا اعلان کردیا ہے۔ ٹی آئی (پارلیمینٹیرینز) کے انفارمیشن سیکریٹری ضیا  اللہ بنگش نے میڈیا کوبتایا کہ ’ہم الیکشن کی بھرپور تیاری کررہے ہیں، جہاں ضرورت پڑی ہم اتحاد بھی کرسکتے ہیں۔‘ انہوں نے موقف اپنایا کہ ’پاکستان تحریک انصاف سمیت ہر سیاسی جماعت سے اتحاد کی بات ہوسکتی ہے ہمارے دروازے سب کے لیے کھلے ہوئے ہیں۔ پی پی آئی کے مطابق  ضیا  اللہ بنگش نے میڈیا کوبتایا کہ اگست سے عوامی رابطہ مہم شروع  کی جائے گی اور اس سلسلے میں پہلا جلسہ نوشہرہ میں 19 اگست کو منعقد ہو گا، جبکہ مانسہرہ کوہاٹ، ڈی آئی خان، سوات، ہنگو، پشاور، مردان اور ایبٹ آباد میں بھی جلسے کیے جائیں گے نیزیہ بھی  کہ الیکشن میں ہر حلقے سے امیدوار میدان میں اتارے جائیں گے