انڈے، گوشت، مرغی، سبزیوں کی قیمتیں 76 سالہ تاریخ کی بلند ترین سطح پر

کراچی(پی پی آئی)مرغی، انڈے، گوشت، دالیں، روٹی، چاول، بیکری آئٹمز کی قیمتیں ملک کی 76 سالہ تاریخ کی بلند ترین سطح تک پہنچ گئی ہیں۔ سرکاری حکام کی مکمل بے بسی  بلکہ بے حسی نے مہنگائی کے ستائے عوام کو مزید پریشان کردیا ہے۔ متوسط طبقے کے لیے اپنی تنخواہ میں سے ماہانہ بجٹ ترتیب دینا کسی چیلنج سے کم نہیں ہے۔قیمتوں کی بات کی جائے تو اوپن مارکیٹ میں اس وقت زندہ مرغی 460 روپے کلو، مرغی گوشت 750 روپے کلو، انڈے 420 روپے درجن۔ادرک اور لہسن کی بات کی جائے تو قیمتیں سننے کے بعد ایک عام آدمی کیلئے خریداری تقریباً ناممکن ہوگئی ہے۔