پنجاب میں دفعہ 144 کا نفاذ لاہور ہائی کورٹ میں چیلنج

لاہور(پی پی آئی)پنجاب میں دفعہ 144 کا نفاذ لاہور ہائیکورٹ میں چیلنج کر دیا گیا۔درخواست اظہر صدیق ایڈووکیٹ کی جانب سے دائر کی گئی جس میں پنجاب حکومت، ہوم سیکرٹری اور ڈپٹی کمشنرز کو فریق بنایا گیا ہے۔درخواست میں استدعا کی گئی کہ عدالت دفعہ 144 کا نوٹیفکیشن کالعدم قرار دے اور پٹیشن کے حتمی فیصلہ تک دفعہ 144 کا نفاذ معطل کیا جائے۔پی پی آئی کے مطابق واضح رہے کہ گزشتہ روز پنجاب حکومت نے پی ٹی آئی کے احتجاج کی کال پر صوبہ بھر میں دفعہ 144 کا نفاذ کیا تھا۔ پابندی کا اطلاق جمعہ 26 جولائی سے اتوار 28 جولائی تک ہوگا۔