بلوچستان میں عید الفطر پر تین روزہ عام تعطیلات کا اعلان

کوئٹہ،24مارچ (پی پی آئی)بلوچستان حکومت نے عید الفطر کی مناسبت سے صوبے بھر میں 31 مارچ سے 02 اپریل تک تین روزہ عام تعطیل کا اعلان کیا ہے۔محکمہ سروسز اینڈ جنرل ایڈمنسٹریشن بلوچستان کی جانب سے جاری کردہ پریس ریلیز کے مطابق، یہ تعطیلات حکومت پاکستان کی کیبنٹ ڈویژن کی جانب سے جاری کردہ ہدایات کے تحت منظور کی گئی ہیں۔ پریس ریلیز میں کہا گیا کہ 19 مارچ 2025 کو جاری کی جانے والی کیبنٹ ڈویژن کی اسلام آباد پریس ریلیز نمبر 10-01/2025-Min-II کی تعمیل میں یہ فیصلہ کیا گیا ہے۔یہ تعطیلات 14 جنوری 2025 کو جاری کردہ عوامی تعطیلات کی فہرست میں شامل نہیں تھیں، تاہم عید الفطر کے موقع پر ان کا اعلان کیا گیا ہے۔