معروف عالم دین علامہ احمد سعید شاہ کاظمی کی برسی منائی گئی

ملتان،،26مارچ (پی پی آئی)معروف عالم دین اور تحریک پاکستان کے سرگرم کارکن سید احمد سعید شاہ کاظمی رحمۃ اللہ علیہ کیبرسی ملک بھر میں منائی گئی۔ آپ 13 مارچ 1913 کو امروہہ، بھارت میں  پیدا ہوئے اور 4 جون 1986 بمطابق25 رمضان المبارک  کو وفات پائی۔  انہیں شاہی مسجد عیدگاہ ملتان میں سپرد خاک کیا گیا جہاں ان کا مزار مرجع خلائق ہے۔سید احمد سعید شاہ کاظمی کا تعلق ایک علمی خاندان سے تھا جو ہندوستان میں علم و فضل کے حوالے سے معروف تھا۔ ان کی تعلیم و تربیت بڑے بھائی، علامہ مولانا سید محمد خلیل محدث امروہوی کے زیر سایہ ہوئی جنہوں نے انہیں مدرسہ بحرالعلوم شاہ جہاں پور میں تعلیم دی۔1935 میں وہ ملتان منتقل ہو گئے جہاں انہوں نے تدریس کا آغاز اپنے گھر سے کیا۔ بعد ازاں، مسجد حافظ فتح شیر میں خطبہ دیا اور حدیث کا درس شروع کیا۔ ان کی علمی خدمات کی وجہ سے وہ عوام و خواص میں مشہور ہو گئے۔سید احمد سعید شاہ کاظمی نے جماعت اہل سنت، جمعیت علمائے پاکستان اور دعوت اسلامی کے قیام میں اہم کردار ادا کیا۔ انہوں نے اسلامیہ یونیورسٹی بہاولپور میں شیخ الحدیث کے طور پر تدریسی فرائض بھی انجام دیے۔